Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի ,«Ինքնակամ կառուցված շենքերի, շինությունների և ինքնակամ զբաղեցրած հողամասերի իրավական կարգավիճակի մասին» 2002 թվականի դեկտեմբերի 26-ի Հայաստանի Հանրապետության օրենքի 7-րդ հոդվածի պահանջներով, հիմք ընդունելով Թաթուլ Սերգեյի Կարապետյանի դիմումը, նկատի ունենալով այն հանգամանքը, որ Թաթուլ Սերգեյի Կարապետյանին ժառանգությամբ անցած (ըստ օրենքի ժառանգության իրավունքի լրացուցիչ վկայագրի` 2021 թվականի դեկտեմբերի 27-ին, ՀՀ, Կոտայքի մարզ, նոտարական տարածքի նոտար` Գուրգեն Էդուարդի Գյուլնազարյանի կողմից, գրանցված է գրանցամատյանում N5030) հողամասից կադաստրային քարտեզագրման արդյունքում հաշվառված ավել օգտագործվող հողամասը նախատեսված չէ այլ նպատակային և գործառնական նշանակությամբ օգտագործելու համար, այն ընդգրկված չէ «Հողային օրենսգրքի» 60-րդ հոդվածով նախատեսված սահմանափակումների ցանկում, չի ընդգրկված ինժիներատրանսպորտային օբյեկտների օտարման կամ անվտանգության, ինչպես նաև հնագիտական պատմամշակութային հողերի պահպանման գոտիներում, չի հակասում քաղաքաշինական նորմաներին, չի սահմանափակում այլ անձանց իրավունքները, չի առաջացնում սերվիտուտ՝ ո ր ո շ ու մ ե մ.

1. Ճանաչել Թաթուլ Սերգեյի Կարապետյանի սեփականության իրավունքը ժառանգությամբ անցած ըստ կադաստրային քարտեզագրման արդյունքի, կադաստրային 07-045-0469-0054 ծածկագրով փաստացի օգտագործվող 0.72745 հա մակերեսով գյուղատնտեսական նշանակության խոտհարք հողատեսքի նկատմամբ:

2. Հողամասի սահմանները որոշում են որակավորված անձ «ԱՇՈՏ ՀԱԿՈԲՅԱՆ ԳՈՒՐԳԵՆԻ» ԱՁ-ի կողմից չափագրված, Ծաղկաձոր համայնքի ղեկավարի կողմից հաստատված հատակագծով:

3. Սույն որոշումն ուժի մեջ է մտնում ընդունման պահից: