Ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 22-րդ կետերով, Հողային օրենսգրքի 66-րդ հոդվածի 8-րդ կետով,  Հայաստանի Հանրապետության կառավարության 2016 թվականի մայիսի 26-ի N 550-Ն որոշման 1-ին կետի 2-րդ, 3-րդ և 6-րդ ենթակետերով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ, հիմք ընդունելով Ծաղկաձոր համայնքի ավագանու 2020 թվականի դեկտեմբերի 23-ի թիվ 79 որոշումը և Միհրան Աղաբեկյանի 2020 թվականի նոյեմբերի 19-ի դիմումը, ինչպես նաև հաշվի առնելով օտարվող հողամասը որպես առանձին գույքային միավոր աճուրդային կարգով օտարելու անհնարինությունը՝

1.  Միհրան Իզմիրի Աղաբեկյանին ուղղակի վաճառքով՝ որպես  ընդլայնում օտարել, իրենց սեփականության իրավունքով պատկանող համայնք Ծաղկաձոր, Մհեր Մկրտչյան փողոց թիվ 23  հասցեում գտնվող (անշարժ գույքի նկատմամբ իրավունքների պետական գրանցման  վկայական N07092020-07-0200 , կադաստրային ծածկագիր 07-005-0013-0015) 0.04 հա մակերեսով բնակավայրերի, բնակելի կառուցապատման համար նախատեսված հողամասին  և հողամասի վրա ամրակայված 423,76 ք.մ.  մակերեսով բնակելի տանը կից, համայնք Ծաղկաձոր, Մհեր Մկրտչյան փողոց թիվ 23/3  հասցեում գտնվող (անշարժ գույքի նկատմամբ իրավունքների պետական գրանցման  վկայական N 13012021-07-0025, կադաստրային ծածկագիր 07-005-0013-0078), Հողային օրենսգրքի 60-րդ հոդվածով սահմանված հողամասերի շարքին չդասվող, համայնքի սեփականություն համարվող, բնակավայրերի, բնակելի կառուցապատման համար նախատեսված 0.04 հա մակերեսով ազատ տարածքը համայնքի ավագանու կողմից սահմանած կադաստրային արժեքով`1 809 600 (մեկ միլիոն ութ հարյուր ինը հազար վեց հարյուր) Հայաստանի Հանրապետության դրամ:

2.Միհրան Իզմիրի Աղաբեկյանի հետ կնքել հողի օտարման պայմանագիր:

3.Ընդլայնման հետևանքով առաջացած 0.08 հա մակերեսով հողամասին հասցեն թողնել նույնը՝ համայնք Ծաղկաձոր, Մհեր Մկրտչյան փողոց թիվ 23: