Ղեկավարվելով Քաղաքացիական օրենսգրքի 188-րդ հոդվածով, Հայաստանի Հանրապետության կառավարության 2006 թվականի մայիսի 18-ի 912-Ն որոշմամբ, «Տեղական ինքնակառավարման մասին» օրենքի 35-րդ հոդվածի 1-ին մասի 22-րդ կետով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ, հաշվի առնելով այն հանգամանքը, որ կառույցի պահպանումը չի խախտում այլ անձանց իրավունքները և օրենքով պահպանվող շահերը,  վտանգ չի սպառնում քաղաքացիների կյանքին ու առողջությանը, այն կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի ու կանոնների էական խախտումով և չի առաջացնում հարկադիր սերվիտուտ պահանջելու իրավունք և հիմք ընդունելով Նորայր Միրզոյանի սույն թվականի հունվարի 29-ի դիմումը`

1. Նորայր Հայկազի Միրզոյանին սեփականության իրավունքով պատկանող մարզ Կոտայք, համայնք Ծաղկաձոր Տանձաղբյուրի փողոց թիվ 6/5 (վկայական 10102017-07-0030) և մարզ Կոտայք, համայնք Ծաղկաձոր Տանձաղբյուրի փողոց թիվ 6/6 (վկայական 03092015-07-0016)հասցեում գտնվող հողամասերի միավորման հետևանքով առաջացած 0,146594 հա մակերեսով հողամասին(ըստ միավորման հատակագծի) տրամադրել հասցե՝ մարզ Կոտայք, համայնք Ծաղկաձոր Տանձաղբյուրի փողոց թիվ 6/5:
2. Օրինականացնել Ծաղկաձոր համայնքի  Տանձաղբյուրի փողոց թիվ 6/5 հասցեում գտնվող, Նորայր Հայկազի Միրզոյանին սեփականության իրավունքով պատկանող հողամասում ինքնակամ կառուցված 460,97 քառ.մ արտաքին մակերեսով հասարակական սպասարկման օբյեկտը:
3. Սույն որոշման ընդունման օրվանից օրինականացման համար սահմանված վճարների` 60 օրյա ժամկետում չվճարման դեպքում որոշումը համարվում է ուժը կորցրած:
4. Շինության օրինականացման համար սահմանել վճար` 2 397 044 (երկու միլիոն երեք հարյուր իննսունյոթ հազար քառասունչորս) Հայաստանի Հանրապետության դրամ, որը անհրաժեշտ է վճարել 900125002478 հաշվեհամարին: