|
08.09.23
Հանդիպում պաշտպանության նախարարության պաշտոնատար անձանց և պայմանագրային զինվորական ծառայություն անցնելու ցանկություն ունեցող մինչև 35 տարեկան կանանց, ինչպես նաև արական սեռի պահեստազորայինների հետ
|
|
Այսօր Ծաղկաձորի համայնքապետարանի շենքում տեղի ունեցավ հանդիպում ՀՀ պաշտպանության նախարարության պաշտոնատար անձանց և պայմանագրային զինվորական ծառայություն անցնելու ցանկություն ունեցող մինչև 35 տարեկան կանանց, ինչպես նաև արական սեռի պահեստազորայինների հետ: Քննարկվեցին ՀՀ զինված ուժերը պայմանագրային զինծառայողներով համալրելու, ինչպես նաև կանանց նորաստեղծ գումարտակում զինվորական ծառայության անցնելու վերաբերյալ հարցեր, զինծառայողներին տրվող սոցիալական երաշխիքները, արտոնությունները և ծառայությանն առնչվող բոլոր մանրամասները:
|
|
|
01.09.23
Ծաղկաձոր համայնքի ղեկավար Նարեկ Հարությունյանի շնորհավորական ուղերձը նոր ուսումնական տարվա մեկնարկի կապակցությամբ
|
|
Սիրելի՛ աշակերտներ, ուսանողներ,հարգելի մանկավարժներ և ծնողներ,շնորհավորում եմ Գիտելիքի և դպրության օրվա առթիվ։ Բոլոր ժամանակներում գիտելիքը եղել է ժողովրդի ամենամեծ հարստությունը և պետականության պահպանման ամենահուսալի երաշխավորը։ Գիտելիքն անգնահատելի արժեք է։ Միայն սովորելով, գիտելիքների լուրջ պաշար ձեռք բերելով հնարավոր կլինի իրականացնել պատանեկան երազանքներից բխող բարձր նպատակները։ Այժմ այս ամենն առավել կարևոր է , քանի որ բանիմաց անհատն է դառնում հասարակության շարժիչ ուժը:Սիրելի՛ առաջին դասարանցիներ և առաջին կուրսեցիներ, առանձնահատուկ ուզում եմ ձեզ մաղթել խաղաղ ընթացք ձեր կյանքի այս նոր փուլում, որտեղ պետք է սովորեք, գիտելիք ու փորձ ձեռք բերեք և հարստացնեք մեր հանրության մտավոր ներուժը, ...
Մանրամասն |
|
|
29.08.23
«Արեստը մէ կըդոր հած է» մշակութային ժառանգության պահպանմանը նվիրված միջոցառում
|
|
Օրերս Ծաղկաձոր համայնքի Մեղրաձոր բնակավայրի «Սամվել Մուրադյանի անվան Մարզամշակութային կենտրոն» ՀՈԱԿ-ը կազմակերպել էր «Արեստը մէ կըդոր հած է» միջոցառումը, որը նվիրված էր Եվրոպական ժառանգության պահպանման օրերին և ՅՈՒՆԵՍԿՕ-ի Ոչ նյութական մշակութային ժառանգության պահպանման կոնվենցիայի ընդունման 20-ամյակին:Առանձին տաղավարներով ներկայացված էին Մեղրաձորում երբևէ եղած արհեստները՝ նալբանդություն, դարբնություն, բրդի նախնական մշակման եղանակները, դարբնություն, ասեղնագործության բազմաթիվ տեսակներ, խսիրագործություն, գդալաշինությունը՝ որպես փայտամշակման առանձին ճյուղ։ Այդ բոլոր արհեստներից հնագույն նմուշներ և դրանց առնչվող գործիքակազմը ցուցադրության էին ներկայացրել վարպետների ժառանգները։ ...
Մանրամասն |
|
|
21.08.23
Աշխատանքային խորհրդակցություն
|
|
Այսօր՝ օգոստոսի 21-ին, Ծաղկաձոր համայնքի ղեկավար Նարեկ Հարությունյանն անցկացրեց հերթական աշխատանքային խորհրդակցություն: Խորհրդակցության ընթացքում քննարկվեցին համայնքային խնդիրները և դրանց կատարման հնարավորությունները: Անդրադարձ եղավ հանձնարարականներին, կատարված աշխատանքներին և տրվեցին նոր հանձնարարականներ:
|
|
|
17.08.23
Հիմնանորոգվում է Աղավնաձոր բնակավայրի խմելու ջրի խողովակները և կառուցվում ջրավազան
|
|
Ծաղկաձոր համայնքի հարգելի՛ բնակիչներ, Տեղեկացնում ենք, որ 2023 թվականի սուբվենցիոն ծրագրի շրջանակներում Ծաղկաձոր համայնքում մեկնարկել է Աղավնաձոր բնակավայրի խմելու ջրի խողովակների հիմնանորոգման և ջրավազանի կառուցման աշխատանքները: Նախատեսվում է շուրջ 1300մ երկարությամբ ջրագծի կառուցում,ջրի որակը ավելի բարձրացնելու նպատակով տեղադրվել է զտման համակարգ, կառուցվելու է նաև ջրավազան: Ծրագրի իրականացման արդյունքում լուծվելու է բնակավայրի խմելու ջրի խնդիրը: Ծրագիրն ընդգրկված է 2023թ. սուբվենցիոն փաթեթում՝ ընդհանուր 23 000 000 դրամ արժողությամբ, որից 60%-ը պետական բյուջեի ներդրման չափն է, 40%-ը ՝ համայնքի ներդրումը: Ծրագրի ավարտը նախատեսվում է 2023թվականի սեպտեմբեր ամսին:
|
|
|
15.08.23
Հանդիպումներ ՀՀ պաշտպանության նախարարոթյան ներկայացուցիչների հետ
|
|
Զինված ուժերը պայմանագրային զինծառայողներով համալրելու, ինչպես նաև կանանց նորաստեղծ գումարտակում զինվորական ծառայության անցնելու վերաբերյալ բացատրական և քարոզչական աշխատանքներ իրականացնելու, զինծառայողներին տրվող սոցիալական երաշխիքները, արտոնությունները և ծառայությանն առնչվող բոլոր մանրամասները ներկայացնելու նպատակով 2023 թվականի սեպտեմբերի 8-ին ժամը 14:00-ին Ծաղկաձորի համայնքապետարանի շենքում տեղի կունենա հանդիպում՝ պաշտպանության նախարարության պաշտոնատար անձանց և պայմանագրային զինվորական ծառայություն անցնելու ցանկություն ունեցող մինչև 35 տարեկան կանանց, ինչպես նաև արական սեռի պահեստազորայինների հետ: Հաշվի առնելով վերոգրյալը՝ շահագրգիռ անձանց առաջարկում ենք մասնակցել հանդիպումներին։
|
|
| 1 2 3 4 5 6 7 8 9 10 ... |